Spurt og svarað

23. febrúar 2021

Egglos verkir og blæðingar

Sælar og takk fyrir góðan vef. Ég átti barn fyrir 8 mánuðum síðan og hef ekki farið enn þá á blæðingar. Er með barnið mitt á brjósti. Spurning mín er sú get ég fengið egglos án þess að fara á blæðingar? Er ég búin að fá egglos í hverjum mánuði síðan ég átti barnið?

Sæl, nei ef barnið hefur verið eingöngu á brjósti og drukkið reglulega yfir sólarhringinn eru hverfandi líkur á að þú hafir fengið egglos á þeim tíma. En nú þegar barnið er farið að fá fasta fæðu er egglos og blæðingar líklegri til þess að láta á sér kræla. Egglos verður u.þ.b. tveimur vikum fyrir blæðingar þannig að þú færð fyrsta egglosið án þess að hafa farið á blæðingar á undan. Eftir þetta fyrsta egglos ættirðu hins vegar að fara á blæðingar og svo byrja á þínum reglulegu blæðingum. Þær geta reyndar verið óreglulegar til að byrja með, sérstaklega þar sem barnið er enn á brjósti. 

Kær kveðja, Hafdís Guðnadóttir, ljósmóðir.

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.