Spurt og svarað

07. desember 2007

Að grennast með barn á brjósti

Af hverju grennast sumar konur þegar þær eru með barn á brjósti? Ég veit um margar sem standa í stað og einnig nokkrar sem hafa fitnað, af hverju er þetta svona misjafnt?



Sæl og blessuð.

Þetta byggist nú mikið á muni milli einstaklinga en fyrst og fremst er það spurning um að finna jafnvægi milli þess sem tekið er inn og þess sem er eytt. Brjóstagjöf er orkukrefjandi ferli og konur með barn á brjósti þurfa meiri orku en konur sem ekki eru með barn á brjósti. Það er svolítið mismikið sem þær þurfa í viðbót. Þetta þýðir ekki að þær þurfi að borða mörgum sinnum meira en þær eru vanar heldur bara litlu meira. Lystin á að segja til um hve mikið líkaminn þarf en konan þarf að passa að það sé á hagkvæmu formi. Það þýðir að það er betra að borða hollt fæði sem nýtist líkamanum vel. Svo skiptir hreyfing auðvitað máli líka. Ef hreyfing er minni en áður sem stundum gerist með nýorðnar mæður þarf minna að borða.

Gangi þér vel. 

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
7. desember 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.