Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
05. apríl 2021
Ég tók óléttupróf fyrir bólusetninguna og fékk neikvætt, var bólusett og viku seinna fékk ég jákvætt óléttupróf (er með langan og óreglulegan tíðarhring). Eftir tvær til þrjár vikur á ég að fá seinni skammtinn. Borgar sig fyrir mig að bíða þar til eftir 12 vikur, eða fara þegar ég verð boðuð eða bíða alveg með að fá seinni sprautuna?
Sæl Það er í raun ekkert rétt eða rangt svar við þessu. Bóluefnið hefur ekki verið sérstakega rannsakað á ófrískum konum og því ekki hægt að útiloka áhættuna fyrir fóstrið. Margar konur kjósa að bíða fram yfir 12 vikurnar með að fá bóluefnið. Það þarf að meta svolítið áhættuna á það frá COVID og hvort hún sé mikil. Ef þú ert í miklum áhættuhóp er líklega best fyrir þig að að klára bólusetninguna, ef ekki gætir þú beðið fram yfir 12 vikurnar. Þetta er ákvörðun sem þú þarft að taka fyrir þig. Mæli með því að þú kynnir þér þetta aðeins áður en þú tekur ákvörðun. Hér er upplýsingablað sem hefur verið gefið út í Bretlandi til þess að hjálpa ófrískum konum að taka ákvörðun um bólusetningu.
Gangi þér vel
Kær kveðja, Jóhanna María Friðriksdóttir, ljósmóðir
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.