Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
09. apríl 2021
Góðan daginn. Ég er gengin um 5 og hálfa viku (var bara að komast af því að ég væri ólétt), og það var að koma smá rautt blóð með útferð, ekki mikið samt, er þetta eitthvað sem ég ætti að hafa áhyggjur af? (Fer í snemmsónar eftir 2 vikur) Bestu kveðjur.
Sæl og til hamingju með þungunina.
Það er nokkuð algengt að það komi smá blæðing á þessu stigi, svokölluð hreiðurblæðing, en það er þegar fóstrið er að festa sig við legvegginn. Þetta eru ekki miklar blæðingar en getur verið smá blóðug útferð eða smá blóð í pappír þegar konan fer á klósett. Reyndu að vera róleg yfir þessu og svo kemur í ljós í sónar eftir 2 vikur hvort það sé ekki allt eins og það á að vera.
Kær kveðja, Jóhanna María Friðriksdóttir, ljósmóðir
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.