Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
13. apríl 2021
Góðan dag, Ég hef verið að mæta í Infrared Hot Fit tíma áður en ég varð ólétt. Þetta eru tímar með infrarauðum hita í lofti ásamt hita og rakatækjum. Núna er ég gengin 6 vikur og er að velta því fyrir mér hvort mér sé óhætt að mæta ennþá í þessa tíma? Með fyrirfram þökkum
Sæl
Ekki er mælt með því að stunda heita tíma í leikfimi á meðgöngu og sérstaklega ekki fyrstu þrjá mánuðina. Hækkun á líkamshita móður getur haft áhrif á fósturþroska og líðan ófædda barnsins. Þetta á einnig við um gufuböð og mjög heita potta.
Það er því ráðlagt að fara varlega í allt sem veldur því að líkamshiti móður hækkar mikið á meðgöngu.
Kær kveðja, Jóhanna María Friðriksdóttir, ljósmóðir
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.