Spurt og svarað

18. júní 2008

Að mjólka sig með sveppasýkingu

Ég hef reynt að mjólka mig öðru hvoru til að eiga í frystinum. Nú er ég komin með sveppasýkingu í brjóstin og 3ja mánaða dóttir mín í munninn. Ég er að bera bæði á sveppina í munninum hennar og á brjóstunum á mér. Er í lagi að mjólka mig og frysta þá mjólk eða getur dóttir mín fengið aftur sveppasýkingu þegar hún drekkur þá mjólk seinna?


Sæl og blessuð.

Þetta er reyndar umdeilt atriði. Sveppirnir deyja ekki við frystingu en það hefur þó ekki verið sýnt fram á að konur eða börn smitist af gamalli mjólk. Sumir telja þó að það geti gerst. Ég held að þér sé óhætt að mjólka áfram það sem er nauðsynlegt og nota hana seinna en merktu hana samt sérstaklega svo þú sért meðvituð um hvaða mjólk þú ert að nota og hvenær.

Bestu kveðjur,

Katrín Edda Magnúsdóttir,
ljósmóðir og brjóstagjafaráðgjafi,
18. júní 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.