Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
13. febrúar 2015
Sæl og takk fyrir frábæran vef. Ég skammast mín rosalega en er með spurningu í sambandi við að hætta reykja með barn à brjósti. Er eitthvað sem ég mà nota til þess að hjálpa mér? Ég veit sjálf að ég næ ekki bara að hætta og vantar eitthvað til að hjálpa mér, og ég vil hætta að reykja.
Heil og sæl og gott að þú skulir vera að taka þetta skref að hætta að reykja. Það er mjög gott og verður þér og barninu þín til mikils góðs í framtíðinni. Það langbesta í stöðunni er að þú reynir þær stuðningsmeðferðir sem í boði eru en reynir að komast af án hjálparlyfja með nikótín innihaldi. Nikótínið berst yfir í mjólkina svo að það er ekki hægt að mæla með notkun nikótín lyfja. Ég læt hér fylgja tvær slóðir sem þú ert kannski búin að skoða nú þegar en ef ekki þá geta þær komið að gagni. Ég óska þér alls hins besta í baráttunni. http://www.landlaeknir.is/servlet/file/store93/item11981/reykingar_medganga.pdfhttp://www.ljosmodir.is/?Page=notepad&ID=29
Bestu kveðjurÁslaug V. ljósmóðir og hjúkrunarfræðingur13. feb.2015
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.