Spurt og svarað

22. ágúst 2005

Blæðingar, pillan og brjóstagjöf

Hæ eg eignaðist yndislega stelpu fyrir 2 mánuðum.  Ég er með hana eiingöngu á brjósti og er á pillunni sem ég byrjaði á fyrir 1/2 mánuði. Útferðinn hætti hjá mér fyrir svona 3 vikum. Nú er ég byrjuð á blæðingum.Er það eðlilegt?  Svo er ég kominn með hálsbólgu og kvef og slappleika líka. Smitast hún af mér af þessu?
 
............................................................
 
Komdu sæl og til hamingju með stelpuna.
 
Það er alveg eðlilegt að byrja á blæðingum þegar þú ert byrjuð á pillunni en þær geta verið óreglulegar og jafnvel stoppað í einhverja mánuði meðan þú ert með hana á brjósti.  Það er líka alveg eðlilegt.  Í móðurmjólkinni eru mótefni sem þú framleiðir gegn þessari pest sem þú ert með og þannig ver brjóstamjólkin stelpuna þannig að allar líkur eru á að hún veikist ekki.
 
Gangi ykkur vel
 
Rannveig B. Ragnarsdóttir,
hjúkrunarfræðingur og ljósmóðir.
22.08.2005.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.