Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
16. janúar 2023
Sælar Ég fékk hormónalykkjuna í júni 2017 eftir barnsburð í maí. Ég byrjaði að fara á blæðingar fyrir nokkrum mánuðum (venjulegar og reglulegar) og hef smá áhyggjur af því að verða ólétt aftur. Læknirinn talaði um að ég gæti verið með þessa lykkju í allt að 7 ár.
Góðan dag og takk fyrir fyrirspurnina,
Það fer eftir tegundum hormónalykkja hvað þær virka í langan tíma. En þær virka vanalega í 3-7 ár eftir tegundum. Það ætti að vera skráð hvernig lykkju þú ert með. Einkennin sem þú lýsir gætu verið að benda til að virknin sé að minnka. Ég ráðlegg þér að hafa samband við lækni til að ræða hvort hún sé enn þá virk eða hvort þú eigir að hugsa um nýja getnaðarvörn. Á heimasíðu heilsuveru eru ágætis upplýsingar um þær getnaðarvarnir sem eru í boði ef þú hefur áhuga á að skoða nýjar getnaðarvarnir. Gangi þér vel.
Bestu kveðjur, Elfa Lind Einarsdóttir, ljósmóðir.
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.