Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
17. janúar 2023
Sælar, mig langar að forvitnast um næturvaktir á meðgöngu. Ég vinn vaktavinnu fram að 12 vikum og þá meðal annars 8 og 12 tíma næturvaktir, oftast nokkrar í röð. Þarf ég að hafa einhverjar áhyggjur af því að það hafi áhrif á heilsu fóstursins eða framgang meðgöngunnar? Og hjálpar að hvíla sig vel á milli vakta eða reyna að leggja sig á vaktinni? Bestu þakkir.
Góðan dag, til hamingju með þungunina og takk fyrir fyrirspurnina,
Mikilvægast er að þér líði vel, farir vel með þig og hlustir á líkamann þinn. Næturvaktir hafa vissulega áhrif á líkamann og því þarf að passa að fá nægilega hvíld á milli vakta. Fyrstu 12 vikur meðgöngunnar geta reynst erfiðar, mikil þreyta, ógleði og fleira. Þú þarft að passa að drekka og borða vel á þessum tíma og huga að þér. Ef það er í boði að leggja sig á vaktinni þá væri það auðvitað frábært. Sjáðu hvernig þú ert á næturvöktum en ég ráðlegg þér að sjá hvað þú treystir þér til á þessum tíma og sýna þér mildi. Gangi þér vel.
Bestu kveðjur, Elfa Lind Einarsdóttir, ljósmóðir.
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.