Hæhæ, og takk fyrir frábæra heimasíðu. Ég er búinn að reyna að afla mér upplýsinga um hvort það sé í lagi að fara í heita tíma á meðgöngunni og fann inn á ykkar síðu bæði að það væri í lagi og svo annar þráður um að það væri ekki í lagi - er hægt að fá nýtt svar um hvort það sé í lagi alla meðgönguna að fara í heita tíma :) ?
Góðan dag og takk fyrir fyrirspurnina,
Almennt er ekki ráðlagt að stunda hreyfingu í heitum sal á meðgöngu. Á meðgöngu hækkar hjartsláttur og það verður aukið blóðflæði og líkaminn getur orðið viðkvæmari fyrir hitabreytingum. Það er sérstaklega ráðlagt að forðast ofhitnum á fyrstu vikum meðgöngunnar fyrir litla krílið sem er að vaxa.
Hreyfing er mikilvæg á meðgöngu og hvatt er til að stunda reglulega hreyfingu. Oft er ráðlagt er að geta alltaf talað upphátt í gegnum þá hreyfingu sem er stunduð á meðgöngu, það er merki að hjartsláttur (púls) sé ekki of hár, mikilvægast er að hlusga á líkamann.
Infra rauðir geislar eru ekki skaðlegir á meðgöngu en of hár púls (hjartsláttur) og þurrkur er ekki góður fyrir líkamann eða barnið á meðgöngunni.
Ef þú ert vön að fara í heita tíma þá gætu aðrar ráðleggingar gilt seinna á meðgöngunni en almennt vegna hættu á ofhitnunar, þurrks og háum púls þá er ráðlagt að stunda hreyfingu í venjulegum sölum. En eins og ávalt að hlusta á líkama sinn og hafa nóg af vökva meðferðis í hvers konar hreyfingu sem er stunduð.
Bestu kveðjur, Elfa Lind Einarsdóttir, ljósmóðir.