Spurt og svarað

18. september 2008

Bólga á börmum og í leggöngum

Ég er komin 26 vikur á leið og barmarnir og leggöngin eru svo bólgin, finn til þar þegar ég geng. Hef ekki haft samfarir lengi, þannig að það er ekki ástæðan. Er með mikla útferð sem hefur varið næstum alla meðgönguna en þessu fylgir enginn sviði eða kláði eða neitt eins og sveppasýking venjulega lýsir sér. Er þetta eðlilegt? Fann ekki fyrir þessu á síðustu meðgöngu.


Sennilega ertu með æðahnúta á börmunum en það er frekar algengt á meðgöngu.  Aukinn þrýstingur og breyting á blóðrás veldur þessu og ekki mikið hægt að gera nema hvíla sig vel og liggja þegar færi gefst til að létta á þrýstingum.  Þetta hefur ekki áhrif í fæðingunni þar sem þetta hverfur þá en getur komið aftur þegar barnið er komið út. Oftast lagst þetta svo alveg á fyrstu vikunum eftir fæðinguna.

Talaðu samt endilega um þetta við ljósmóðurina þína í næstu skoðun.

Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
17. september 2008.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.