Spurt og svarað

29. janúar 2024

Of mikið d vítamín fyrir eins árs

Sæl/ar, ég var að gefa dóttur minni (eins árs) D-vítamín dropa þegar hún greip flöskuna og það virðist eins og hún hafi náð að taka gúlsopa (í staðinn fyrir ráðlagða tvo dropa). Þarf ég að hafa áhyggjur af þessu eða er í lagi að bíða bara með að gefa henni dropa í nokkra daga?

Sæl og takk fyrir fyirspurnina, 

Erfitt að meta hve rúmlegan skammt dóttir þín hefur náð að gleypa. Ef D-vítamínið var í flösku sem aðeins dreypir úr er ólíklegt að hún hafi náð að taka hættulega stóran skammt. 

Þó væri gott í þínu tilviki að vera vakandi fyrir einkennum hjá barninu líkt og þreytu, vöðvaslappleika, ógleði, uppköstum, hægðartregðu og lystarleysis sem gætu verið einkenni of mikillar inntöku D- vítamíns og væri gott að skoða betur. Hafir þú áhyggjur eða verður vör við einkenni hjá barninu ráðlegg ég þér að fara með dóttur þína til læknis til að fá frekari ráðleggingar.

Þú gætir sleppt D vítamín gjöfum í nokkra daga til öryggis en eftir það ætti að vera óhætt að halda áfram að gefa ráðlagðan dagsskammt af D vítamíni.

Bestu kveðjur, Ilmur Björg Einarsdóttir, ljósmóðir.

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.