Spurt og svarað

26. október 2007

Bráðaofnæmi eftir fæðingu

Mig langar ofsalega til að vita hvort það sé algengt að konur taki upp eða  fái allt í einu fæðuofnæmi eftir fæðingu? Þannig er að þegar ég fæ mér nokkra sopa af rauðvíni, hvítvíni eða bjór þá steypist ég strax upp í rauðum upphleyptum flekkjum í andlitinu, finn fyrir kláða og hitna svakalega í framan. Ég á tveggja mánaða gamla dóttur og hún er mitt þriðja barn - en þetta hefur aldrei komið fyrir áður! Gæti verið að þetta sé bara þegar ég er með hana á brjósti? Eða verður þetta svona það sem eftir er? Ég er mikil rauðvínskona og finnst gott að fá mér eitt glas með góðum mat þannig að ég er ekki búin að sætta mig alveg við þetta ástand. Mig langar bara svo að vita hvort að þetta sé algengt - eða á ég bara að drífa mig til læknis? ;) Vonandi heyri ég frá þér fljótlega. Takk fyrir góðan vef.

Kveðja, Elsa.



Sæl og blessuð Elsa.

Svona ofnæmi kemur brjóstagjöfinni ekkert við. Það verða hins vegar ýmsar breytingar á meðgöngunni sem gætu hugsanlega hleypt svona af stað. Ég er ekki nógu vel að mér í ofnæmisfræði þannig að ég ráðlegg þér að leita til einhvers sérfræðings um þessi mál. Nei, þetta er ekki algengt í tengslum við brjóstagjöf.

Gangi þér vel.    

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
26. október 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.