Spurt og svarað

07. ágúst 2007

Brennslutöflur og brjóstagjöf

Sæl mig langaði að vita hvort efni úr brennslutöflum færu út í brjóstamjólkina og til barnsins. Ég er að fara að byrja að æfa og er að hætta með mína á brjósti nema þá á nóttunni ég ætla að halda því eitthvað áfram. Spurningin er ef ég tek frekar sterkar brennslutöflur (sem eru ekki leifðar á Íslandi) með örvandi efnum á morgnana og gef henni ekkert fyrr en um nóttina eru þá ekki þessi verstu efni farin úr líkamanum og hafa ekki áhrif á barnið? Einhvers staðar las ég eftir þig að brjóstamjólkin væri svo fullkomin að hún hreinsaði öll slæm efni út sjálfkrafa...

Með von um skjót svör.


Sæl og blessuð!

Já, þetta ætti að vera allt í lagi fyrir þig. Þú ert líka að gefa brjóst svo lítið. Passaðu þig bara að lesa vel utan á leiðbeiningarnar þannig að skammtar séu réttir. Vertu líka á varðbergi fyrir þeim aukaverkunum sem eru nefndar. Ég hef meiri áhyggjur af þér heldur en barninu.

Gangi þér vel.

Kær kveðja,

Katrín Edda Magnúsdóttir,
ljósmóðir og brjóstagjafaráðgjafi,
7. ágúst 2007.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.