Spurt og svarað

16. október 2011

Brjóst eftir fæðingu

Ég er 17 ára mamma og brjóstin mín minnkuðu eftir fæðingu. Ég var bara með barnið á brjósti í 1 mánuð því mjólkin hætti að koma.) Svo urðu brjóstin minni en fyrir fæðingu. Er það eðlilegt eða munu þau stækka eitthvað aftur?  Eru þið með einhver ráð til að þau stækki?

 


Sæl og blessuð!

Það er alltaf viss hætta á að brjóst rýrni nokkuð ef brjóstagjöf er hætt snemma og /eða hratt. Því snögglegar sem er hætt, þeim mun meiri rýrnun. Þetta jafnar sig nokkuð aftur en á löngum tíma. En þó stundum ekki að fullu. Brjóst stækka stundum ef aukakíló bætast á líkamann en það er því miður ekkert eitt töfraráð sem ég veit um að geti hjálpað þér.

Með bestu kveðjum.
Katrín Edda Magnúsdóttir,
ljósmóðir og brjóstagjafaráðgjafi,
16. október 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.