Brjóstagjafaþoka!

22.01.2007

Konur tala mikið um hina svokölluðu brjóstagjafarþoku, að minnið sé slæmt á meðan á brjóstagjöf stendur. Mér finnst ég vera utan við mig og ég tel að ég sé gleymnari en fyrir barnsburð. Sonur minn er eins árs og á brjósti. Hefur minni kvenna með barn á brjósti verið rannsakað? Vitið þið hvort einhver fótur er fyrir þessum sögusögnum, eða stafar minnisleysið ef til vill bara af svefnleysi sem fylgir því að eiga ungt barn?

Kveðja, forvitin.


Sælar!

Ég þekki ekki til að minni kvenna hafi verið rannsakað - en konur sem eru með börn á brjósti upplifa meiri slökun og vellíðan vegna hormóna (Oxytocin og Endorfín) sem bæði geta haft áhrif á slökun og vellíðan, svo það er talið að mæður nái að slaka betur á vegna þessa. Mér finnst líklegt að slökunin geri það að verkum að konur sem eru með barn á brjósti, séu ekki eins mikið að stressa sig út af hlutunum og gleymi kannski þess vegna. 

Með kveðju, 

Ingibjörg Eiríksdóttir
ljósmóðir og brjóstagjafaráðgjafi,
22. janúar 2007.