Spurt og svarað

04. apríl 2015

Bólgueyðandi drykkir

Góðan dag, Takk fyrir mjög fræðandi vef. Ég veit að ófrískar konur eiga ekki að taka inn bólgueyðandi lyf en hvernig er með  drykki með jurtum sem vitað er að hafa áhrif á bólgur eða t.d. engifer og túrmerik? Eru áhrifin af slíku kannski svo lítil að það hafi engin áhrif, hvorki á fóstur né bólgur? Ég er að velta þessu fyrir mér þar sem ég er hálfnuð með meðgönguna og er með miklar bólgur í kringum mjaðmir og axlir (þetta var komið áður en ég varð ófrísk og er að versna nú) og var bent á að prófa bólgueyðandi drykki. Kveðja Guðný

 

Heil og sæl, það hefur áður verið fjallað um turmeric hér og almennt er ekki mælt með því að taka það nema þá sem krydd í mat. Öryggi engifers á meðgöngu hefur verið umdeilt en á vef landlæknis kemur fram að notkun allt að eins gramms á dag sé örugg. Gangi þér vel.

Bestu kveðjur
Áslaug V.
ljósmóðir og hjúkrunarfræðingur
3. apríl 2015




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.