Spurt og svarað

19. október 2014

brjóstagjöf með 1 pelaábót

Ef barn á brjósti fær einn pela á dag af þurrmjólk, skemmir það þá varnir barnsins? Ef svo er, hversu mikið/lengi þá? Ég er að mjólka og mjólka til að fara í skólann en sé ekki fram á að ná að mjólka nóg og er þá að hugsa hvort einn peli af þurrmjólk á dag sé ekki betra með brjóstagjöfinni?

 

Sæl og blessuð!

 Í þínu tilfelli skiptir mestu máli hve gamalt barnið er. Ef það er 6 mánaða eða meira þá skiptir ekki máli þótt það fái 1 pela á dag upp á varnirnar að gera. Ef það er yngra en 6 mánaða þá verða varnirnar eins og hjá kúamjólkurbarni strax eftir 1 pela. Það er talið að þær jafni sig og verði eins og hjá brjóstamjólkurbarni aftur eftir um 2 vikur.

Vona að þetta hjálpi.
Katrín Edda Magnúsdóttir,
ljósmóðir og brjóstagjafaráðgjafi,
19. október 2014.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.