Spurt og svarað

08. mars 2008

Brjóstagjöf með mat

Góðan dag og takk fyrir frábæran vef.

Ég er með stelpuna mína sem er 8 mánaða enn á brjósti, u.þ.b. 2 gjafir á dag. Mjög snemma á morgnana fyrir kl. 8 og eftir kvöldmatinn oftast um 20. Hún er farin að borða vel úr flestum fæðuflokkum, oftast um 4 sinnum á dag og drekkur hún þá stoðmjólk úr stútglasi með. Planið var að hún yrði alveg hætt eftir um mánuð. En mig langar aðeins að halda í gjafirnar, eða bara aðra hvora. Mælir þú með að halda í aðra hvora? Mér finnst þetta mjög notaleg stund fyrir okkur báðar og ég eiginlega tími ekki að hætta með hana :) Er eitthvað sem mælir á móti því að hafa hana áfram á brjósti fyrst hún er farin að borða vel? Hefur mjólkin eitthvað næringarlegt gildi með mat?

Og ein spurning í viðbót, má ég fara að ganga í venjulegum brjóstahaldara með spöng fyrsta að brjóstagjöfin hefur minnkað svona?

Með kveðju.


Sæl og blessuð.

Það er ekkert sem mælir á móti áframhaldandi brjóstagjöf nema síður sé. Mjög margar konur enda brjóstagjöfina á að gefa 1-2 gjafir á sólarhring vikum og mánuðum saman. Ef þú vilt hafa það bara 1 gjöf þá velurðu uppáhaldsgjöfina ykkar og heldur í hana. Mjólkin hefur alltaf mikið næringarlegt gildi fyrir barnið og hún ver það áfram gegn ýmsum sýkingum. Brjóstagjöfin heldur líka áfram að minnka líkur þínar til að fá krabbamein og beingisnun.

Já og þú mátt prófa að fara í spangarbrjóstahaldara ef þú vilt.

Kær kveðja, 

Katrín Edda Magnúsdóttir,
ljósmóðir og brjóstagjafaráðgjafi,
8. mars 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.