Spurt og svarað

03. febrúar 2007

Brjóstagjöf og æfingar

Sæl og blessuð !

Mig langar til að byrja að þakka fyrir frábæra síðu sem ég hef notast oft við.

Ég er með 2 spurningar og sú fyrsta er þannig að mig langar að fara að æfa aftur fótbolta eins og ég gerði áður en ég varð ólétt. Stelpan min er 4ra mánaða og ég hef ekki þorað að fara að æfa því ég er svo hrædd um að missa mjólkina og vil ekki láta það bitna á stelpunni. Því mér er sagt að það sé best fyrir hana að vera á brjósti til 6 mánaða. Er í lagi að byrja að æfa og hvað get ég gert ef mjólkin minnkar ?

Önnur spurning:  Það er oft svona nefhljóð í stelpunni og um daginn fékk hún hósta og mér var sagt að halda henni inni í 10-12 daga, á þessum tíma var hún alveg hitalaus og ekkert pirruð en ég hélt henni inni í rúmar 2 vikur.   Hóstinn er ekki eins slæmur en hann er ef hún grætur mikið þá hóstar hún og ef hún er þurr í munninum og er þyrst þá hóstar hún einnig. Á ég að hafa einhverjar áhyggjur af þessu eða hvað get  ég gert ?

Með fyrirfram þökk kv. Eva



Sælar, þér er alveg óhætt að byrja að æfa - fara rólega af stað og smá auka æfingarnar þá ganga hlutirnir oftast vel fyrir sig. Konur hafa jafnvel byrjað að æfa í kringum 2ja mánaða aldur barnsins og haldið mjólkinni þrátt fyrir það. Það á að vera alveg óhætt að stunda líkamsrækt og að vera með barn á brjósti án þess að það trufli brjóstagjöfina. Aðalatriðið er að
forðast of mikla áreynslu og að hlusta á líkamann, borða hollt og gott fæði og drekka nægan vökva.

Ég þori lítið að svara þessu með hóstann hjá barninu - ef þú hefur áhyggjur af hóstanum - þá ráðlegg ég þér að fara með hana í læknisskoðun og fá álit læknis - það er svo erfitt að segja til um svona hluti nema sjá barnið og skoða það. 

Gangi þér vel, kveðja,

Ingibjörg Eiríksdóttir,
ljósmóðir og brjóstagjafaráðgjafi. 
03.02.2007.


>





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.