Spurt og svarað

19. október 2007

Brjóstagjöf og ættleiðing

Sælar og takk fyrir frábæran vef!

Ég hef verið að velta fyrir mér er hægt að koma mjólkurframleiðslu af stað hjá konu sem hefur ekki gengið með barn, t.d. konu sem hefur ættleitt nýfætt barn og mynd vilja hafa það á brjósti?


Sæl og blessuð.

Mjólkurframleiðsla fyrir ættleitt barn fer fyrst og fremst fram með örvun brjóstanna. Yfirleitt er notuð mjaltavél eða handpumpa. Farið er í mjöltun nokkrum sinnum á dag í nokkrar vikur áður en barnið kemur til að setja framleiðsluna af stað. Stundum eru notuð mjólkuraukandi lyf jafnframt og það er hægt að ná hluta af því sem barnið þarfnast og stundum öllu. Þegar barnið kemur er oft reynt að leggja það á brjóst en stundum er bara mjólkað áfram handa því.

Það eru til ágætis bækur um þetta efni t.d.„Breastfeeding the adopted baby“ eftir Debra Stewart Peterson.

Með bestu kveðjum,

Katrín Edda Magnúsdóttir,
ljósmóðir og brjóstagjafaráðgjafi,
19. október 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.