Spurt og svarað

03. ágúst 2005

Brjóstagjöf og blæðingar

Mig langar að spyrja í sambandi við blæðingar eftir barnsburð.
Ég er með 6 mánaða gamalt barn og byrjaði á blæðingum þegar það var 3 mánaða. Fór svo aftur á blæðingar á 4 mánuði en svo ekkert þar til fyrir mánuði og er ég enn að bíða eftir að ég byrji. Ég er búin að vera með mikla túrverki og líða bara hálf illa, er alltaf viss um að ég sé að byrja en svo bara kemur ekkert. Er það eðlilegt að það komi svona stopp?  Ég er með barnið eingöngu á brjósti, stunda kynlíf með manninum mínum en notum smokkinn.
 
...............................

Sæl vertu og þakka þér fyrirspurnina, þetta getur átt sér eðlilegar skýringar, þ.e. að frjósemi er oftast mun  minni þegar mæður eru eingöngu með börn sín á brjósti, þá verður ekki alltaf  egglos á ,,réttum" tíma og því ekki blæðingar á réttum tíma.  Margar konur sem eru eingöngu með barnið sitt á brjósti sleppa alveg við blæðingar meðan svo er, hjá öðrum eru blæðingar stopulli eða óreglulegar.  Ég held að það væri samt gott að útiloka aðra þungun með þvi að gera þungunarpróf, ef það reynist neikvætt held ég að þú getir beðið róleg eftir næstu blæðingum nema ef verkirnir halda áfram og eru slæmir finnst mér sjálfsagt að leita með þetta til kvensjúkdómalæknis.
 
Gangi þér vel,
bestu kveðjur,

Inga Vala Jónsdóttir,
ljósmóðir og hjúkrunarfræðingur,
3. ágúst, 2005.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.