Spurt og svarað

03. febrúar 2006

Brjóstagjöf og blæðingar

Halló,

Ég á ársgamla dóttur og er að hætta með hana á brjósti, við erum komnar niður í eina gjöf úr hvoru brjósti á dag. Ég hef ekkert farið á blæðingar síðan ég byrjaði á pillunni stuttu eftir fæðinguna. Fyrir þrem vikum byrjuðu svo litlar blæðingar, og búið að standa í þrjár vikur. Þetta eru mjög litlar blæðingar sem jafnvel minnka niður í ekkert í einn dag en halda svo áfram. Er eðlilegt að þetta sé svona lengi? Tengist þetta því að brjóstagjöfin sé orðin svona lítil?

Takk fyrir

Hulda

........................................

Sæl og blessuð Hulda.

Til hamingju með langa og vonandi góða brjóstagjöf
Það eru reyndar ekki mikil tengsl milli blæðinga og brjóstagjafarinnar þegar svo langt er liðið frá því þú fórst að taka pilluna. Þá er hormónaflæðið í  líkamanum orðið allt annað en ef bara brjóstagjöfin hefði stjórnað. Fjöldi gjafanna skiptir þá minna máli og væntanlega ertu búin að vera fækka gjöfunum um einhvern tíma.
Svo langar blæðingar koma fyrir en þú ættir samt að hafa samband við lækni og ræða málin. Kannski er inn í myndinni að breyta um tegund þar sem þú ert svo til hætt brjóstagjöfinni.
         
Með kveðju og góðum óskum.           
 
Katrín Edda Magnúsdóttir, ljósmóðir og brjóstagjafaráðgjafi. 03.02.2006.
 
 
 




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.