Spurt og svarað

06. nóvember 2008

Brjóstagjöf og matur

Hefur magn þess sem maður borðar yfir daginn áhrif á brjóstagjöf. Það er kaloríuinntakann yfir daginn? Minnkar mjólkin ef maður innbyrðir ekki nógu margar kaloríur?  Skiptir ekki aðallega mestu máli að drekka nógu mikið fyrir mjólkurframleiðsluna?

Kveðja.

 

Sæl og blessuð!

Nei, það skiptir ekki máli hver hitaeiningainntekt er á degi hverjum. Þetta er sveiflukennt og líkaminn skammtar rétt magn í mjólkina. Mjólkin minnkar ekki eða rýrist á neinn hátt þótt hitaeiningar séu ekki nógu margar. Það eru nægar birgðir í líkamanum. Það er rétt hjá þér að vökvajafnvægið er viðkvæmara. Það er þó ekki þannig að mjólkin minnki þótt vökvi sé lítill. Það bitnar hins vegar á líkama móður. Það er ágæt regla að drekka eins og þorstinn segir til um.

Vona að þetta svari vangaveltunum.

Katrín Edda Magnúsdóttir,
ljósmóðir og brjóstagjafaráðgjafi,
6. nóvember 2008

 






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.