Spurt og svarað

07. apríl 2008

Bólur á meðgöngu

Sælar,

Geng nú með annað barn mitt og öll að steypast út í bólum....aftur. Ég var alveg hræðileg á fyrri meðgöngunni, fékk bólur í framan, bakið, bringuna og handleggi. þegar barnið var svo orðið ca. 9 mán. hvarf þetta nánast alveg og ég hef verið fín í húðinni síðan (í 2 ár) en nú er þetta að byrja aftur. Ég passa matarræðið og þríf húðina vel daglega, en eru einhver krem (eða aðrar aðferðir)sem þið getið ráðlagt mér að nota, sem halda þessu í skefjum? fór til húðsjúkdómalæknis eftir síðustu meðgöngu og þá var mjög takmarkað sem ég gat notað vegna brjóstagjafarinnar, en er það eins lítið úrval þegar maður er með barni?

kveðja,X


Komdu sæl

Meginreglan er sú að það er meira sem þú getur gert með barnið á brjósti en á meðgöngu a.m.k. hvað varðar lyf sem þú getur tekið inn.  Húðsjúkdómalæknar hafa kannski önnur úrræði eins og sérstök ljós ( sem ég veit ekki hvort gagnast í þínu tilfelli ) ef þú leitar til þeirra.  Eins getur verið ágætt að fara til snyrtifræðings og fá ráðleggingar þar og húðhreinsun.

Þú ert að gera það sem ég myndi ráðleggja þér þ.e. að hreinsa húðina vel en sennilega er þetta hormónatengt þar sem þetta kemur bara á meðgöngunum.

Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
7. apríl 2008.
 

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.