Spurt og svarað

11. febrúar 2010

Brjóstamjólk og annar vökvi

Sælar og takk fyrir frábæran vef!

Ég á rúmlega 6 mánaða stúlku sem var eingöngu á brjósti fyrstu 6 mánuðina og dafnaði voðalega vel. Í dag er hún farin að borða 2sinnum á dag og gengur bara vel og er aðeins farin að dreypa á vatni ásamt því að fá brjóstið inn á milli. Ég byrja í 60% vaktavinnu (3 vaktir á viku 8 klst. í senn) þegar hún verður 7 mánaða. Mér hefur gengið illa að mjólka mig svo sá möguleiki er ekki fyrir hendi. Ég er að velta fyrir mér hvaða vökva ætti að gefa henni á meðan ég verð í vinnunni. Er nóg að gefa henni bara vatn eða þarf hún eitthvað meira og hvað þá?

 


Sæl og blessuð!

Það er gott að það hefur gengið svona vel hjá þér. Ég myndi mæla með að þú létir gefa henni stoðmjólk þegar þú ert í vinnunni. Vatn er líka í lagi ef hún vill ekki stoðmjólkina eða einhverjir safar.

Gangi þér vel.
Katrín Edda Magnúsdóttir,
ljósmóðir og brjóstagjafaráðgjafi,
11. febrúar 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.