Spurt og svarað

22. júlí 2007

Brjóstin fyrstu dagana eftir síðustu gjöf

Sæl.

Er með 11 og hálfs mánaða dúllu sem ég er að venja af síðustu gjöfinni, hef trappað brjóstagjöfina hægt niður. Þetta gengur bara ágætlega nema að mér er farið að líða frekar illa í brjóstunum. Þau eru aum og hörð eins og þau séu stút full af mjólk. Fór í heita sturtu í kvöld og reyndi að nudda létt en það kom engin mjólk. Ég er mjög aum. Getur þetta verið eðlilegt ferli þegar mjólkin hættir? Ég finn hvergi upplýsingar um hvernig mjólkurbúið starfar eftir að maður hættir alveg gjöfum. Þetta er þriðji dagurinn sem hún ekkert fær að drekka en ég er ekki með hita eða sýkingareinkenni.

N.B. þegar ég hætti með son minn á brjósti á svipaðan hátt fann ég aldrei neitt fyrir þessu.

Með bestu kveðju og von um skjótt svar.

Kveðja, Anna.


Sælar!

Þetta gerist stundum að brjóstin verða þrútin þegar brjóstagjöf er hætt. Hægt er að leggja bakstra á brjóstin kalda eða heita - þá minnkar þrotinn oft. Einnig er hægt að reyna að mjólka aðeins úr brjóstunum - ef það gengur þá mýkjast þau aðeins. Oftast þá minnkar þrotinn smá saman. Ef þér líður illa þá getur þú líka leitað til ljósmæðra og/eða brjóstagjafaráðgjafa í skoðun.

Gangi þér vel.

Kveðja,

Ingibjörg Eiríksdóttir,
ljósmóðir og brjóstagjafaráðgjafi,
22. júlí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.