Spurt og svarað

31. mars 2009

Broddur gengin 10 vikur

Sæl!

Ég er gengin 10 vikur með mitt annað barn, og í morgun þegar ég vaknaði þá var búið að leka þó nokkuð úr öðru brjóstinu mínu. Þegar ég prófa að kreista geirvörturnar þá kemur glær/hvít mjólk út. Er þetta alveg eðlilegt. Ég er alveg örugg um að ég er ekki komin lengra en 10 vikur á leið. Á seinustu meðgöngu lak aldrei neitt úr brjóstunum mínum.

 


Sæl og blessuð!

Já, þetta er algjörlega eðlilegt. Flestar konur finna meira fyrir brjóstaeinkennum við annað barn og fleiri heldur en við fyrsta barn. Broddur getur svo komið og farið nokkrum sinnum gegnum meðgöngutímann. Ekki hafa neinar áhyggjur af því. Það er alltaf jákvætt merki að sjá brodd.

Bestu óskir.
Katrín Edda Magnúsdóttir,
ljósmóðir og brjóstagjafaráðgjafi,
31. mars 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.