Spurt og svarað

17. apríl 2011

D-vítamín og brjóstagjöf

Sælar og takk fyrir frábæran vef!
Ég er að spá í sambandi við D vítamín. Ég er með eina sem er 5 vikna og hún er á brjósti. Ég er að taka inn heilsutvennu og omega 3 með D vítamíni. Þar sem ég borða ekki mikinn fisk má ég þá taka líka inn hreint D vítamín? Og ef ég geri það þarf ég þá kannski ekki að gefa henni dropana eða má ég taka þetta allt og gefa henni líka dropa.
Kveðja Hildur.
 
Sæl og blessuð Hildur!
Það er trúlegt að þú megir taka inn bæði Heilsutvennu og D vítamín. Þú skalt samt leggja tölurnar saman og bera saman við ráðlagðan dagskammt konu með barn á brjósti. Þú mátt líka gefa barninu dropana en það er líka mikilvægt að láta barn vera í dagsbirtu eða sól sem nær að skína á hendur og höfuð í nokkrar mínútur á dag. Það gefur besta D vítamínið.
Bestu óskir.
Katrín Edda Magnúsdóttir,
ljósmóðir og brjóstagjafaráðgjafi,
17. apríl 2011.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.