Spurt og svarað

18. maí 2008

Drykkjumynstur

Sælar!

Ég er með eina mánaðargamla snót allt gengur vel og hún er mjög vær og góð sefur rótt um nætur og líka yfir daginn, hún er eingöngu á brjósti og þar er hún óseðjandi. Hún vill drekka endalaust finnst mér og ég var að vonast til að það kæmi eitthvað munstur á þetta hún vill á 1 klst fresti bæði brjóstin. Hún ælir þessu mikið útúr sér og hægðirnar eru oft brún-grænar svo vildi ég líka spyrja hversu marga millilítra börn drekka í einni gjöf ég er að fara að kíkja aðeins út og vil vera viss um að ég mjólki mig alveg nóg svo ég þurfi ekki að hlaupa heim og gefa meira.

Takk, takk.

 


 

Sæl og blessuð.

Barnið þitt er líklega búið að koma sér upp mynstri sem hentar því vel í bili. Þetta er ekkert slæmt mynstur frá sjónarhóli barnsins en það hentar mæðrum misvel. Almenna reglan er hins vegar að láta barnið ráða. Það er trúlegt að þetta eigi eftir að breytast eftir fáar vikur. 

Magnið sem þú þarft að mjólka til að eiga gæti verið á bilinu 50-100ml.

Gangi þér sem best.   

Kær kveðja,

Katrín Edda Magnúsdóttir,
ljósmóðir og brjóstagjafaráðgjafi,
18. maí 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.