Spurt og svarað

14. júlí 2007

E-vítamín olía og brjóstagjöf

Sælar!

Ég er nýorðin móðir og slitnaði talsvert á maganum. Ég er búin að lesa mér heilmikið til og ákvað að prófa húsráð við slitum sem er það að nudda þau létt í sturtunni með fínum kornamaska og nudda svo eftir sturtuna olíu úr E-vítamín hylkjum á slitin. Þetta er enn á prufustigi en ég held að ég sjái smá mun :) Nú fór ég bara allt í einu að hugsa hvort þetta sé eitthvað sem ég má ekki gera þar sem ég er með barnið á brjósti. E-vítamín olían er sterk en ég veit ekki hvort þetta fer í mjólkina eða hvað.

Kveðja, júnímamma.


Sælar!

Ég held að þér sé alveg óhætt að bera E-vítamínolíuna á húðina - þó að þú sért með barnið á brjósti - en lestu vel umbúðirnar og allar leiðbeiningar um þetta til að vera alveg viss.

Með kveðju,

Ingibjörg Eiríksdóttir,
ljósmóðir og hjúkrunarfræðingur,
14. júlí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.