Spurt og svarað

02. nóvember 2004

Er í lagi að nota brjóstapumpu frá öðrum konum?

Er í lagi að nota brjóstapumpu frá öðrum konum þ.e.a.s sótthreinsaða og allt það. Fékk eina notaða gefins.

...................................................................


Sæl og blessuð.

Það fer eftir gerð pumpunnar. Flestar gerðir eru þannig að vel er hægt að nota aðalstykkið milli kvenna (vel hreinsað að sjálfsögðu) en skjöldinn þ.e. stykkið sem leggst að brjóstinu vill maður hafa nýtt fyrir hverja konu. Oftast er hægt að kaupa það sér. En svo eru til gerðir þar sem skjöldurinn er áfastur eða að ekki er hægt að kaupa hann sér og þá er ekki ráðlagt að nota slíkar pumpur milli kvenna. En það eru fleiri atriði sem geta skipt máli eins og hve mikið pumpan er notuð eða hvort hún sé úr vönduðum efnum? Það er svo líka alltaf mjög misjafnt hvernig konum gengur að nota hinar ýmsu gerði af pumpum. Vona að þetta hjálpi eitthvað.

Kær kveðja,

Katrín Edda Magnúsdóttir,
ljósmóðir og brjóstagjafaráðgjafi,
2. nóvember 2004.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.