Spurt og svarað

21. ágúst 2007

Framboð og eftirspurn

Heil og sæl!

Mig langar að forvitnast um upphaf brjóstagjafar. Þannig er mál með vexti að ég er að fara að ganga í gegnum fjórðu brjóstagjöfina og í upphafi hverrar brjóstagjafar hef ég alltaf fengið MJÖG MIKLA stálma og ÞVÍLÍKA mjólkurframleiðslu. Hef þurft að ganga í gegnum stíflur og hvaðeina og er bara veik fyrstu 3 vikurnar.Það sem ég er að velta fyrir mér er eitthvað sem ég get gert svo ég geti minnkað þessa ofsaframleiðslu fyrstu dagana eða er þetta bara einsdæmi. Ég var að heyra að eftir að barnið komi í heiminn þá ætti ég að prófa að gefa bara annað brjóstið en ekki að örva bæði strax í upphafi er eitthvað til í því.

Með von um góð svör, Stebba.


Sæl og blessuð Stebba!

Það er mikilvægt að taka svona vandamál föstum tökum alveg frá fyrstu mínútu. Það er rétt að það hjálpar að örva bara annað brjóstið í hverri gjöf. Svo getur hjálpað eftir 1 eða 2 daga að fara að gefa sama brjóstið 2svar í röð og svo jafnvel 3svar í röð. Svo getur hjálpað að hafa þétt um brjóstin alveg frá upphafi og vera svo tilbúin með köldu bakstrana á 3ja degi og vera óspör á þá. Þeir eiga að vera vel kaldir, ná utan um allt brjóstið, settir eftir gjöf og fá að virka 15-20 mín. Það eru reyndar til ýms fleiri ráð en þetta er ágætt til að byrja með.

Gangi þér allt í haginn.    


Kær kveðja,

Katrín Edda Magnúsdóttir,
ljósmóðir og brjóstagjafaráðgjafi,
21. ágúst 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.