Spurt og svarað

15. ágúst 2014

Fryst mjólk-skammtastærð

Góðan dag!

Með miklum herkjum hefur mér tekist að mjólka smá aukamjólk og frysta til að eiga fyrir stöku bíóferð eða tónleika. Þar sem það hefur reynst afar erfitt að ná mjólkinni vil ég reyna að hafa rétt magn í frystipokunum svo það fari ekki mjólk til spillis. Lansinoh frystipokarnir sýna allt upp í 180 ml. og Medela pelinn/pumpan sem ég er með sýnir upp í 150 ml. Hvað væri heppilegasta magnið til að frysta í hverjum poka til að leysa eina gjöf af hólmi? Takk.




Sæl og blessuð!

Yfirleitt er mælt með að frysta mjólk í litlum skömmtum. Þá er hægt að þíða 1 skammt og sjá hvort barnið er sátt eftir hann og þíða þá annan skammt ef svo er ekki. Þá má bæta við 3ja eða 4ða skammti ef þarf. Skammtastærðin fer svolítið eftir hve gamalt barnið er. Oftast er verið að tala um 50 ml. í skammti fyrir barn á fyrstu vikunum og mánuðunum. Eftir 5-6 mánuði er skammturinn kominn í 80-100 ml.

Vona að gangi vel.
Katrín Edda Magnúsdóttir,
ljósmóðir og brjóstagjafaráðgjafi,
15. ágúst 2014.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.