Spurt og svarað

19. september 2010

Geirvörtuformarar

Sælar!
Mig langar að forvitnast um hvenær tímabært er að byrja notkun á geirvörtuformurum ef þess er þörf. Ég er komin 25 vikur og önnur geirvartan er hálf innfallin eða flöt og ég hafði hugsað mér að spara mér "mögulega" erfiðleika við brjóstagjöf þegar barnið fæðist. Hvenær er best að byrja að nota þá og þá hversu lengi í einu?
Kv. Helga.
 
Sæl og blessuð Helga!
Það er reyndar í öllum „fræðunum“ talað um að geirvörtuformarar skili engum árangri nema vörtur séu alveg inndregnar. Það má merkja með svokölluðu klípiprófi. Þá er vörtubaugur klipinn saman rétt fyrir aftan vörtuna. Ef hún hreyfist ekkert eða dregst inn er um raunverulega inndregna vörtu að ræða, en ef hún ýtist eitthvað út er hún ekki inndregin. Flatar vörtur eru engin fyrirstaða fyrir börn ef vefurinn í kring er mjúkur. Ef þú vilt samt nota geirvörtuformara þá er þetta fínn tími. Yfirleitt er ráðlagt að byrja að nota þá 1 klst. á dag. Gera þetta í nokkra daga og fara þá að lengja tímann um 30-60 mín. í senn.
Gangi þér vel.
Katrín Edda Magnúsdóttir,
ljósmóðir og brjóstagjafaráðgjafi,
19. september 2010.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.