Spurt og svarað

20. nóvember 2011

Geislajoð-venja af brjósti

Ég á eina dóttur sem er rúmlega 3ja mánaða og hefur verið á brjósti. Þannig er að ég greindist með illkynja krabbamein í skjaldkirtli á meðgöngu og hann fjarlægður. Nú er svo komið að ég þarf að fara í geislajoð. Ég fékk þó að hafa stelpuna aðeins á brjósti. Ég stefni á að fara í þetta eftir áramót, dagsetning ekki ákveðin, fer allt eftir hvenær ég hætti alveg með hana á brjósti. Læknirinn minn segir að ég þurfi að vera alveg hætt með hana í tvo mánuði áður en ég fer í meðferðina. Hvernig er gott að venja hana af brjóstinu og bæta inn pelagjöfum?


 

Sæl og blessuð!

Það er gott að þú ert búin að fara í aðgerðina. Geislameðferðin miðast við hvort þú vilt halda brjóstagjöfinni áfram eða ekki. Það þarf að hætta brjóstagjöf á meðan meðferð stendur og í einhvern tíma á eftir,allt eftir því hversu sterkt efni er notað. Það er oft mælt með að konur (ef þær vilja halda í brjóstagjöfina) undirbúi sig með því að vera búnar að mjólka sig áður og safna upp birgðum. Birgðirnar fær barnið svo í og eftir meðferð þar til hægt er að byrja brjóstagjöfina aftur. Það er mislangur tími eins og áður kom fram frá 2-3 dögum og upp í 2-3 vikur. Ég hef ekki heyrt að það þurfi að vera búið að hætta brjóstagjöf löngu fyrir geislajoðmeðferð. En ef þér hugnast þetta ekki venur þú barnið af brjósti eins hægt og þér er unnt. Tekur út 1-2 gjafir á viku og leyfir brjóstunum og barninu að jafna sig á milli. Í stað brjóstagjafar kemur inn þurrmjólkurgjöf með pela í staðinn.

Vona að þér gangi vel.
Katrín Edda Magnúsdóttir,
ljósmóðir og brjóstagjafaráðgjafi,
21. nóvember 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.