Spurt og svarað

02. júlí 2007

Geta litlar geirvörtur truflað brjóstagjöf

Sælar!

Ég er gengin 34 vikur og ég er farin að hafa áhyggjur af því að geirvörturnar hjá mér séu of litlar uppá brjóstagjöf að gera. Þær hafa ekkert stækkað á meðgöngunni (hélt að þær myndu eitthvað stækka við meðgönguna) og mér finnst þær litlar í samanburði við aðrar konur. Eru þekkt dæmi um það að ekki sé hægt að hafa barn á brjósti vegna þess að geirvörturnar eru of litlar eða er ég að hafa óþarfa áhyggjur?



Sælar!

Þó að geirvörturnar séu litlar þá hefur það ekki áhrif á brjóstagjöfina - ég veit ekki um neitt dæmi um það að brjóstagjöf hafi ekki gengið vegna þess. Það er svo merkilegt að geirvörturnar geta verið svo misjafnar að stærð og lögun en það virðist ekki trufla börnin við brjóstagjöfina - þau hafa mikinn aðlögunarhæfileika. Aðalatriðið er fá aðstoð og stuðning frá ljósmæðrunum í upphafi brjóstagjafarinnar.

Gangi þér vel. 

Kveðja,

Ingibjörg Eiríksdóttir,
ljósmóðir og brjóstagjafaráðgjafi,
2. júlí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.