Spurt og svarað

22. desember 2004

Gubbupest og brjóstagjöf

Er óhætt að gefa barni brjóst ef maður er með gubbupest?

...................................................................

Sæl og blessuð.

Já, það er meira en óhætt að gefa barni brjóst þegar maður er með gubbupest. Það er alveg nauðsynlegt. Ekki vill maður lenda í brjóstavandamálum ofan í gubbupestina. Og sýkillinn sem veldur pestinni er löngu kominn til barnsins. Hann er kominn til barnsins áður en maður verður veikur og væntanlega eru líka mótefni gegn pestinni byrjuð að berast til barnsins með móðurmjólkinni. Svo það er mjög mikilvægt að gefa barninu brjóst til að verja það. Ef barnið veikist verður það mjög líklega verulega væg útgáfa af pestinni.
Það er hins vegar nauðsynlegt að drekka vel þegar maður er með gubbupest og maður þarf að drekka enn meira þegar maður er bæði með gubbupest og barn á brjósti.

Bestu óskir um góðan bata,

Katrín Edda Magnúsdóttir,
ljósmóðir og brjóstagjafaráðgjafi,
22. desember 2004.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.