Spurt og svarað

28. febrúar 2009

Gula

Góðan dag!

Ég eignaðist stúlku í byrjun desember sem fékk gulu og var í ljósum í tvo daga. Hún er á brjósti og drekkur vel og þyngist eðlilega og lengist. En hún er ennþá frekar gul. Er það eðlilegt að hún sé gul ennþá? Ég borða reyndar dálítið af gulrótum og fæ mér gulrótarsafa. Getur liturinn stafað af því? Hún er voða sæt svona brún.


 

Sæl og blessuð!

Guli liturinn er ekki vegna gulunnar sem hún fékk á fyrstu dögunum. En það er algengt að gulur litur komi vegna gulróta og annarra litsterkra grænmetis og ávaxtategunda. Það er saklaust fyrirbæri en kannski ekki æskilegt að það sé í allt of miklu mæli. Það sést líka oft svona blær á börnum sem fá mikið að gulrótum þegar þau fara að borða fasta fæðu.

Bestu kveðjur.
Katrín Edda Magnúsdóttir,
ljósmóðir og brjóstagjafaráðgjafi,
28. febrúar 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.