Spurt og svarað

06. mars 2011

Harðfiskur og brjóstagjöf

Komiði sæl!
Mér langaði bara að forvitnast um hvað þið segið um að borða harðfisk með barn á brjósti þar sem konum er ekki ráðlagt að borða harðfisk á meðgöngu. Sumir virðast segja að konur eigi að halda sama mataræði á meðgöngu og í brjóstagjöf  en aðrir segja að konur megi borða nánast hvað sem er með barn á brjósti.
Kveðja.

 
Sæl og blessuð!
Það er allt í lagi að borða harðfisk með barn á brjósti. Það er allt í lagi að borða nánast hvað sem er með barn á brjósti og um að gera að borða það sem manni líður vel með. Brjóstagjöf á ekki að vera einhver kvöð heldur náttúrulegur hlutur. Þú átt ekki að þurfa að hafa áhyggjur af mataræði eða flækja lífið af óþörfu. Slaka á, lifa lífinu eins og þú vilt lifa því ásamt því að hafa barn á brjósti.
Bestu óskir.
Katrín Edda Magnúsdóttir,
ljósmóðir og brjóstagjafaráðgjafi,
6.mars 2011.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.