Spurt og svarað

27. desember 2005

Hlaup og brjóstagjöf

Sælar ljósmæður.

Ég er með einn gaur 7 ½ mánaða og hann er á brjósti.  Ég var að velta því fyrir mér hvort það væri í lagi að hlaupa.  Ég hljóp aðeins á æfingu í gær og brjóstin snertu nánast gólfið! Mér fannst þetta mjög óþægilegt og hafði það á tilfinningunni að brjóstin myndu síga meira og meira þar til þau enduðu við hné eða þar um bil. Hvað segið þið?

Kveðja, SGP.

.............................................................................................................

Sæl og blessuð SGP.

Jú, það er allt í lagi að hlaupa en það getur þurft mismunandi mikinn útbúnað til þess. Við erum misjafnlega af guði gerðar og konur sem hafa stærri gerðina af brjóstum þurfa meiri stuðning við þau í hlaupum og stökkum en hinar. Það er svolítið mismunandi hvað konur nota til stuðnings. Þér er alveg óhætt að nota eigið ímyndunarafl eða prófa þig áfram. Margar nota toppa af mismunandi stærð, þykkt og þéttleika. Sumar nota brjóstahaldara, strokka, breið teygjubindi o.fl.,o.fl. Það er gjarnan notað eitthvað tvennt eða þrennt saman. Ég treysti þér alveg til að finna út úr þessu sjálf og skil vel að þú hafi fundið fyrir óþægindum með lítinn eða engan stuðning.

Bestu hlaupakveðjur,

Katrín Edda Magnúsdóttir,
ljósmóðir og brjóstagjafaráðgjafi,
27. desember 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.