Spurt og svarað

17. ágúst 2010

Hve lengi að þorna?

Hæhæ og takk fyrir frábæra síðu!

Þannig er mál með vexti að ég hætti með strákinn minn á brjósti í byrjun desember. Núna er ágúst og ég er farin að leka aftur. Þegar hann var á brjósti þá skipti ég um föt og Lansinoh brjóstapúða á að meðaltali klukkustundar fresti því að það lak svo mikið. Ég hef síðan orðið vör við dropa og dropa, ekkert alvarlegt samt, og alltaf gula eins og brodd. Síðustu daga hef ég þó verið að fá svona sting í brjóstin eins og kom þegar lak sem mest og núna í morgun láku bara nokkrir hvítir dropar á baðherbergisgólfið. Hvernig stendur á þessu? Er þetta alveg eðlilegt?

Með von um góð svör. Ein ráðvillt.


Sæl og blessuð Ein ráðvillt!

Eins og fram hefur komið áður getur tekið ótrúlega langan tíma að stöðva alla framleiðslu. Það skiptir máli hvernig staðið var að afvenjuninni og hvort einhver örvun verður áfram. Ef einhver örvun verður er hægt að halda framleiðsluferlinu áfram nánast endalaust. Þannig að þá er þetta alveg eðlilegt. Ef svo er ekki þarftu að athuga hvort þú innbyrðir eitthvað sem gæti haft áhrif á hormónin eða jafnvel hvort möguleiki sé á að þú sért orðin ófrísk aftur.

Vona að þetta svari einhverju.

Katrín Edda Magnúsdóttir,
ljósmóðir og brjóstagjafaráðgjafi,
17. ágúst 2010
.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.