Hve lengi er óhætt að hafa barn eingöngu á brjósti.?

01.10.2006

Halló.

Ég er að velta fyrir mér hve lengi sé óhætt að hafa barn eingöngu á brjósti.

Kveðja, Inga.


Sæl og blessuð Inga.

Eins og ég skil þessa afar stuttu fyrirspurn þá ertu að leita að efri mörkum þess að barn fái enga viðbótarfæðu við brjóstamjólkina. Yfirleitt kemur þessi spurning í tengslum við mikið óþol eða ofnæmi við mat í annarri hvorri eða báðum fjölskyldum barnsins. Flestar þessar mæðra byrja að kynna annað fæði á aldrinum 10 mánaða til eins árs. Ég veit um 14 mánuði og svo hefur maður heyrst um börn sem byrja enn seinna. Það er kannski ekki skynsamlegt að byrja annað fæði seinna en á seinni helmingi annars árs því þá eru ákveðin efni í mjólkinni sem ekki eru fullnægjandi fyrir barnið.

Vona að þetta sé það sem þú leitar að.     

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
1. október 2006.