Spurt og svarað

16. desember 2007

Hvenær byrja blæðingar aftur eftir barnsburð?

Sælar og takk fyrir frábæran vef.

Nota mér oft að fletta upp í gömlum svörum hjá ykkur.

Málið er þannig að ég átti skvísu fyrir 9 mánuðum og ég er ekki enn byrjuð á túr. Er það alveg eðlilegt? Hún er enn á brjósti en borðar með þrisvar á dag en er samt talsverð brjóstakella. Fær ekki lengur að drekka á nóttunni samt. Er brjóstagjöfin að koma í veg fyrir að byrji á túr? Farin að hafa smá áhyggjur af þessu.

Takk aftur


Sæl og blessuð.

Eins og fram hefur komið áður er mjög einstaklingsbundið hve lengi brjóstagjöfin virkar sem vörn. Það dregur mjög úr vörninni þegar börn byrja að borða og brjóstagjöfin verður óreglulegri. Hún virkar samt að einhverju leyti áfram. Það getur því verið að hafa áhrif hjá þér en bara að hluta til. Þú getur haft egglos hvenær sem er en það getur líka verið að hormónabúskapurinn sé að koma í veg fyrir að það gerist. Já, þetta getur verið alveg eðlilegt.

Bestu kveðjur,

Katrín Edda Magnúsdóttir,
ljósmóðir og brjóstagjafaráðgjafi,
16. desember 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.