Spurt og svarað

08. maí 2006

Hvenær er æskilegt að hætta næturgjöfum?

Sælar og takk fyrir góð svör!

Ég er tiltölulega nýbökuð móðir og er að velta því fyrir mér hvenær er æskilegt að venja barnið af brjóstagjöf á næturnar? Er það þegar barnið fer að borða fastan mat eða miklu fyrr?

Með fyrirfram þökkum frá einni nýbakaðri.


Sæl og blessuð.

Yfirleitt er ekkert hugsað um að venja barn af næturgjöfum fyrstu mánuðina. Þeim er eðlilegt að þurfa 1-3 gjafir á nóttu. Það stendur mislengi eftir einstaklingum. Sum hætta fljótlega sjálf næturgjöfum á meðan önnur þurfa þær mjög lengi. Þetta getur líka farið eftir efnasamsetningu mjólkurinnar því hún er alltaf mismunandi eftir konum. Þér er alltaf óhætt að trúa barninu þínu. Ef það biður um að fá að drekka um nótt þá er það svangt.

Börn hætta ekkert endilega næturgjöfum þegar þau byrja að borða fasta fæðu. Þvert á móti þurfa þau oft meira á þeim að halda þá því þau eru jú að skipta yfir í næringarlega síðri fæðu. Það er oft ekki fyrr en dálítið er liðið frá því þau byrjuðu á annarri fæðu sem næturgjafir fara að týna tölunni.

Vona að þetta svari spurningunni. 

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
8. maí 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.