Spurt og svarað

13. apríl 2008

Hvenær er óhætt að fá sér tattú?

Vinkona gaf mér „gjafabréf“ í tattú (hún þekkir flúrarann) í afmælisgjöf, en mig hafði lengi langað í.  Þá fór ég að pæla í hvað ég vildi fá en gat aldrei ákveðið mig. Svo varð ég ólétt og þá ákvað ég að það væri tilvalið að fá mér nafn barnsins á mig þegar það væri ákveðið. Nú er drengurinn fæddur og er orðinn 2 mánaða og hann er á brjósti. Ég veit að það er í lagi að fá sér tattúveraðar augnabrúnir af því að þau rista svo grunnt, en svo var ég að lesa mér til um hvernig tattú eru framkvæmd og þá er víst tattúað í húðlag nr. 2 svo ég var að spá hvort það væri þess vegna hættulegt að fá mér strax, á meðan strákurinn er ennþá á brjósti?


Sæl og blessuð!

Það er í sjálfu sér í lagi að fá sér tattú. En ég held að það sé skynsamlegt að bíða í nokkra mánuði í viðbót. Þó að það sé ekki nema til að hormónaáhrif á húðina hafi minnkað. Ef þetta á að vera á stað sem stækkar á meðgöngunni gæti líka verið betra að bíða lengur en skemur. Gangi þér vel þegar að því kemur.

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
13. apríl 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.