Spurt og svarað

11. febrúar 2010

Hversu lengi er mjólk í brjóstum

Sælar og takk fyrir góðan og upplýsandi vef!

 Ég hætti með son minn á brjósti í byrjun október 2009 og ég er ennþá með mjólk/vökva í brjóstunum. Þetta er nú ekki mikið en það þarf ekki mikinn þrýsting á brjóstin til að vökvi komi. Er þetta eðlilegt? Hversu lengi eru brjóstin að þurrkast upp? Mánuði áður en ég hætti brjóstagjöfinni þá voru gjafirnar komnar niður í eina-tvær gjafir á sólarhring þangað til að strákurinn hætti bara sjálfur. Ég er með legslímuflakk og á við ófrjósemi að stríða en ég var með vökva í brjóstunum áður en ég varð ólétt af stráknum. Samt sem áður voru allar hormónamælingar í lagi. Ég er aðallega að spá hvort að ástandið valdi enn frekari erfiðleikum með að verða ólétt í framtíðinni. Ég nota ekki neinar getnaðarvarnir sökum fyrri sögu en hef samt ekkert verið að reyna og er ekkert að stressa mig á því. En mig langaði samt að vita hvort þetta væri óeðlilegt eða hvort að ég ætti að fá ráðgjöf hjá lækni.

Kveðja. Loksins móðir.


 

Sæl og blessuð „Loksins móðir“!

Það þarf í sjálfu sér ekkert að vera óeðlilegt við þetta. Það er mikilvægt að þú sért ekki að kreista út mjólk því þannig geturðu viðhaldið örlítilli framleiðslu út í hið óendanlega. Þetta á ekki að trufla möguleika þína á að verða ófrísk aftur ef þú lætur þetta í friði svo fremi að önnur hormón séu í lagi.

Gangi þér vel.
Katrín Edda Magnúsdóttir,
ljósmóðir og brjóstagjafaráðgjafi,
11. febrúar 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.