Spurt og svarað

21. nóvember 2006

Hversu mikilvæg er mjólkin fyrir börn eldri en 8 mánaða?

Sælar og þakkir fyrir frábæran vef.

Hversu mikilvæg er mjólkin fyrir börn eldri en 8 mánaða? Ég er með eina 8 mánaða og langar að fara að minnka brjóstagjöfina. Hún drekkur u.þ.b. 6 sinnum á sólahring og borðar 4 máltíðir á dag. Hún drekkur mjög misjafnlega mikið, stundum bara nokkra sopa eftir máltíð. Ég er erlendis og hef enga stoðmjólk hér, og hef verið að prófa að gefa henni þurrmjólk í staðinn fyrir eina gjöf, en hún bara vill ekki sjá hana. Mín spurning er hvort það sé nóg fyrir mig að minnka brjóstagjöfina til að byrja með kannski niður í 3-4 og láta þann mjólkurskammt duga fyrir hana og svo fær hún bara vatn þess á milli eða þarf hún að drekka annarskonar mjólk í staðinn fyrir þær brjóstagjafir sem ég felli niður?

Kveðja, aprílkríli.


Sæl og blessuð!

Það er í lagi að minnka gjafirnar og gefa henni vatn með en úr því hún vill ekki þurrmjólk þá getur þú gefið henni járnbætta mjólk. Venjulega mjólk  eins og þessa bláu hérna heima ráðleggjum við ef börnin vilja ekki stoðmjólkina. Auðvitað er best að gefa þurrmjólk til eins árs vegna þess að hún er járnbætt - en þetta er erfitt ef börnin vilja ekki drekka hana. Hún þarf náttúrulega kalkið úr mjólkinni.

Með bestu kveðju,

Ingibjörg Eiríksdóttir,
ljósmóðir og brjóstagjafaráðgjafi,
21. nóvember 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.