Spurt og svarað

08. desember 2010

Hvít doppa á geirvörtu

Sæl og takk fyrir góðan vef!
Ég á 8 mánaða gamlan son sem er rosalega mikið á brjósti og vill ekki sjá pela né snuð. Undanfarna viku hef ég fengið rosalega sáran sviða í aðra geirvörtuna þegar hann drekkur og svo tók ég eftir því að það er lítil hvít doppa á geirvörtunni sem ég tel að sé að valda þessum sviða. Er þetta stífla sem veldur þessum sársauka?
Með fyrirfram þökk og von um svar. A.
 
Sæl og blessuð A!
Þetta er einkennandi lýsing á því sem kallað er mjólkurbóla. Í þínu tilfelli er hún sennilega að valda ákveðinni tegund af stíflu. Stöku sinnum leysist þetta af sjálfu sér en oft fá konur hjálp frá heilbrigðisstarfsmanni til að stinga pínulítið gat með fíngerðri nál til að opna viðkomandi útrásargang sem er lokaður. Þannig að ef málið er ekki leyst þá ráðlegg ég þér að gera það. Það er umsvifalaus lækning
Með bestu óskum.
Katrín Edda Magnúsdóttir,
ljósmóðir og brjóstagjafaráðgjafi,
8. desember 2010.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.